भैरहवा : राष्ट्रिय स्वतन्त्र पार्टीका सभापति एवं गोर्खा मिडिया नेटवर्क प्रालिका पूर्वप्रबन्ध निर्देशक रवि लामिछानेसमेत विरुद्ध जिल्ला अदालत रुपन्देहीमा दर्ता भएको सहकारी ठगी र संगठित अपराध मुद्दामा तेस्रो दिन थुनछेक बहस जारी छ।
न्यायाधीय प्रल्हादकुमार योगीको इजलासमा बिहीबारदेखि जारी थुनछेक बहस आइतबार पनि जारी रहेको जिल्ला अदालत रुपन्देहीका श्रेष्तेदार यज्ञमूर्ती ज्ञवालीले जानकारी दिए ।
शुक्रबार थुनछेक बहस नसकिएपछि हेर्दाहेर्दैमा राखेर आइतबार बिहान साढे १० बजे हाजिर हुने गरी लामिछानेलाई परिवार र कानुन व्यवसायीको जिम्माजमानीमा पठाइएको थियो।
बुटवलको सुप्रिम बचत तथा ऋण सहकारी संस्थाको रकम ठगी प्रकरणमा लामिछानेसमेतलाई प्रतिवादी बनाउँदै अदालतमा मुद्दा दर्ता भएपछि गत बुधबार लामिछाने अदालतमा उपस्थित भएका थिए । बुधबार अदालतको उनको बयान भएको थियो ।
दुवै पक्ष बहस सकिएपछि आजै इजलासले पुर्पक्षाका लागि थुनामा पठाउने वा धरौटीमा छाड्ने वा साधारण तारेखमा छाड्ने आदेश जारी गर्नेछ।
प्रतिक्रिया दिनुहोस !
