काठमाडौं : अख्तियार दुरुपयोग अनुसन्धान आयोगले पोखरा महानगरपालिकाको उजुरी फछर्यौट तथा समन्वय शाखामा कार्यरत अधिकृत कपिल गिरी भ्रष्टाचार मुद्दा दायर गरेको छ।
अख्तियारबाट आएको उजुरी पत्रबारेको प्रमाण मेटाइदिने भन्दै सेवाग्राहीसँग २५ हजार रुपैयाँ घुस लिइसकेको अवस्थामा गिरीलाई नियन्त्रणमा लिइ अनुसन्धान अघि बढाएको थियो।
अनुसन्धानका क्रममा गिरीले अख्तियारमा उजुरी परी जवाफकोो पत्र आएको छ,उक्त उजुरीसँग सम्बन्धित प्रमाण मेटाइ उजुरी फरकफरक गर्न आवश्यक कार्य गरिदिने भन्दै सेवाग्राहीसँग घुस लिएको पुष्टि हुन आएको अख्तियारको दावी छ।
उनीविरुद्ध २५ हजार बिगो र भ्रष्टाचार निवारण ऐन २०५९ को दफा ३ को उपदफा (१) को देहाय (क) बमोजिम कैद गरी सोही ऐनको दफा ३ को उपदफा (१) अनुसार जरिवाना सजायको माग गरिएको अख्तियारले जनाएको छ।
प्रतिक्रिया दिनुहोस !
