दुम्किवासमा डाइभर्सन बाढीले बगायो, पूर्व पश्चिम राजमार्ग अवरुद्ध
वैशाख १९, २०८२ शुक्रबार ९:४७:५३
नवलपुर : पूर्व पश्चिम राजमार्ग अन्तर्गत दुम्किवासमा बिनयी खोलामा बनाइएको डाइभर्सन बाढीले बगाउँदा राजमार्ग अवरुद्ध बनेको छ ।
विनयी खोलाको पुल भाँचिएपछि खोलामा डाइभर्सन बनाएर यातायात सञ्चालन गरिँदै आए पनि शुक्रबार बिहान आएको बाढीले डाइभर्सन बगाएपछि राजमार्ग अवरुद्ध बनेको जिल्ला प्रहरी कार्यालय नवलपुरका प्रवक्ता मधु नेपालले जानकारी दिए ।
हलुका सवारी साधनलाई होङ्सी सिमेन्ट गेट हुँदै वैकल्पिक मार्गबाट पठाइएको र अन्य यातायातका साधन भने रोकिएको प्रहरीले जनाएको छ ।
डाइभर्सन पुन: बनाउने प्रयास भइरहेको जिल्ला प्रहरीको भनाइ छ । विनयी खोलमाथिको पुल भासिएको ३ महिनाभन्दा बढी समय भइसक्दा पनि मर्मत नहुँदा खोलामा डाइभर्सन बनाएर यातायात सञ्चालन गरिएको हो । वर्षा हुना साथ डाइभर्सन बगाएर यातायात अवरुद्ध हुने गरेको छ ।
प्रतिक्रिया दिनुहोस !
