मकवानपुरको राक्सिराङमा बोलेरो दुर्घटना : ९ जना घाइते, ६ जनाको अवस्था गम्भीर
वैशाख २४, २०८२ बुधबार १०:५५:४३
हेटौंडा : मकवानपुरको राक्सिराङ गाउँपालिका-९ अठारे स्थित भित्रि सडक खण्डमा बोलेरो दुर्घटना हुँदा ९ जना घाइते भएका छन्।
बुधवार बिहान करिब ८:१५ बजे खैराङबाट मनहरीतर्फ आउँदै गरेको बा १५ च १३३३ नम्बरको बलोरो सडकदेखि अन्दाजी ५० मिटर तल खसेर दुर्घटना भएको जिल्ला प्रहरी कार्यालय मकवानपुरले जनाएको छ ।
प्रहरीका अनुसार बलेरोमा चालकसहित ९ जना सवार रहेका थिए। जसमध्ये ६ जना अवस्था गम्भीर र ३ जना मध्यम घाइते भएका छन्।
दुर्घटनामा गम्भीर घाइते हुनेहरूमा राक्सिराङ गाउँपालिका-९ बस्ने १६ वर्षीय हिमाल बस्नेत, सोही स्थानका ३५ वर्षीय बुद्धिमान् घलान, ७५ वर्षीय डिल बहादुर घलान र उनको श्रीमती फुलमाया घलान , ३८ वर्षीय रुपबहादुर राउत,४८ वर्षीय दिपक खड्का रहेका छन् ।
यस्तै दुर्घटना सोही स्थान बस्ने ५० वर्षीय सुर्य अधिकारी, १४ वर्षीय कुमार तामाङ र २८ वर्षीय सुजन तामाङ सामान्य घाइते भएका जिल्ला प्रहरी कार्यालय मकवानपुरले जनाएको छ । घाइतेहरूलाई उद्धार गरी उपचारको लागि मनहरी अस्पताल लगिएको बताइएको छ ।
प्रतिक्रिया दिनुहोस !
