काठमाडौं : आज दुई हजार ५६९औँ बुद्धजयन्ती देशभर विभिन्न कार्यक्रम गरी मनाइँदै छ। बुद्ध जन्मस्थल लुम्बिनीसँगै देशभरका बौद्ध स्तूपा,विहार र गुम्बामा पूजाआजासहित विविध कार्यक्रम गरी बुद्धजयन्ती मनाइँदै छ । यसै अवसरमा स्वयम्भू विश्वसम्पदा सूचीमा सूचीकृत स्वयम्भूनाथ क्षेत्रमा बिहानैदेखि बौद्धमार्गी तथा सर्वसाधारणको घुइँचो लागेको छ । बुद्धजयन्तीका अवसरमा आज स्वयम्भू महाचैत्यस्थित बुद्ध मन्दिरमा विशेष पूजाअर्चना हुनेछ ।
स्वयम्भू क्षेत्रमा आज नेपाल सरकारका उच्च ओहोदाका विशिष्ट व्यक्ति, बौर्ध धर्मगुरु, भीक्षु, कूटनीतिक नियोगका प्रमुख तथा पदाधिकारी, विभिन्न देशबाट आएका विशिष्ट पाहुनालगायतले पूजाअर्चना गर्ने कार्यक्रम छ ।
स्वयम्भूनाथ परिसरभित्रै रहेको आनन्दकुटी विहारमा बुद्धको अस्तुधातु पूजाआजा र दर्शनका लागि राखिएको छ । बुद्धको अस्तुधातु बुद्धजयन्तीका दिन मात्रै सर्वसाधारणको दर्शनका लागि राखिँदै आइएको छ ।
त्यस्तै आज लुम्बिनीलगायत देशभरका बौद्ध धर्मस्थलमा विभिन्न कार्यक्रम गरिएको छ। यसैअवसरमा सरकारले आज सार्वजनिक बिदा समेत दिएकोछ।
प्रतिक्रिया दिनुहोस !
