काठमाडौं : प्रधानमन्त्री केपी शर्मा ओली र भारतका वातावरण, वन तथा जलवायु परिवर्तनमन्त्री भुपेन्दर यादवबीच भेटवार्ता भएको छ। प्रधानमन्त्री निवास बालुलाटारमा भएको भेटमा मन्त्री यादवले सगरमाथा संवाद कार्यक्रममा आमन्त्रण गरेकामा धन्यवाद दिएका थिए।
उनले सगरमाथा विश्वकै छानो भएकाले यसको सुरक्षामा सबैको ध्यान जानुपर्ने बताए। प्रधानमन्त्री ओलीले संवाद कार्यक्रममा सहभागिता र उद्घाटन समारोहमा सन्देशयुक्त मन्तव्यका लागि मन्त्री यादवलाई धन्यवाद दिएका थिए।
उनले हिमालहरूको रक्षा, डढाइएका छ्वालीको धुवाँबाट वातावरणीय असरका विषयमा नेपाल, भारत, बंगलादेशलगायत मुलुक मिलेर क्षेत्रीय खालका यस्ता सम्मेलन आयोजना गर्न प्रस्ताव गरेका थिए।
भेटमा नेपालका लागि भारतका राजदूत नवीन श्रीवास्तव, प्रधानमन्त्रीका मुख्य सल्लाहकार विष्णुप्रसाद रिमाल पनि सहभागी थिए।
प्रतिक्रिया दिनुहोस !
