सिन्धुपाल्चोक : गणतन्त्र दिवस २०८२ को अवसरमा सिन्धुपाल्चोकको चौतारामा आयोजना भएको खुला दौड प्रतियोगिताको उपाधि जागर विकले जितेका छन्। जिल्ला खेलकुद विकास समितिले आयोजना गरेको ५ किलोमिटर खुला पुरुषतर्फ इन्द्रध्वज गणका जागर विक निर्धारित दुरी १८ मिनेट १६ सेकेण्डमा पार गर्दै विजेता भएका हुन्।
दौडमा सोही गणका अमृत बयलकोटीले १८ मिनेट ४४ सेकेण्ड र रामबहादुर सुनारले १९ मिनेट ७ सेकेण्डमा दूरी पार गर्दै द्वितीय र तृतीय भए।
यस्तै ३ किलोमिटर खुला महिलातर्फ चौतारा साँगाचोकगढी नगरपालिका– ७ की निमा तामाङ प्रथम भइन् । उनले निर्धारित दुरी १७ मिनेट ४९ सेकेण्डमा पार गर्दै विजेता भएकी हुन्। दौडमा स्मति श्रेष्ठले १९ मिनेट ४४ सेकेण्ड र सयुना श्रेष्ठले २० मिनेट ४७ सेकेण्डमा दूरी पार गर्दै द्वितीय र तृतीय भए।
त्यस्तै ५ किलोमिटर ४० वर्षमाथिको पुरुषतर्फ चौतारा साँगाचोकगढी नगरपालिका–१३ का दुर्गाप्रसाद ढुङ्गेलले निर्धारित दुरी २३ मिनेट ३८ सेकेण्डमा पार गर्दै प्रथम भए। दौडमा सशस्त्र प्रहरी बलका राजु कोइरालाले २५ मिनेट ५२ सेकेण्ड र सोही बलका जगतबहादुर भुजेलले २६ मिनेट ३२ सेकेण्डमा दूरी पार गर्दै द्वितीय र तृतीय भएको जिल्ला खेलकुद विकास समिति सिन्धुपाल्चोकमा अध्यक्ष रामकृष्ण दंगालले जानकारी दिए। प्रतियोगिताका प्रथम, द्वितीय र तृतीय भएका खेलाडीलाई गणतन्त्र दिवसको दिन पुरस्कार प्रदान गरिने उनको भनाई छ।
प्रतिक्रिया दिनुहोस !
