कालिकोट : जिल्लाको खाँडाचक्र नगरपालिका बडा नं ३ को आधारभूत स्वास्थ्य तथा सरसफाइ आधारभूत स्वास्थ्य केन्द्रमा तालाबन्दी गरिएको छ । दुई हप्तादेखि कर्मचारी नहुँदा कार्यालय सहयोगीको भरमा कार्यालय सञ्चालन हुँदै आएको छ।
वडा नं ३ निवासी स्थानीयहरूले स्वास्थ्यकेन्द्रमा तालाबन्दी गरेका हुन्। पावर र पहुँच देखाउँदै वडाका बिरामीलाई थर्काउने धम्काउने जस्ता क्रियाकलाप कर्मचारीबाट भएको भन्दै कार्यालयमा तालाबन्दी गरिएको स्थानीय खगेन्द्र प्रसाद पाण्डेले बताए। उनले भने,' सरकारले नि:शुल्क दिने भनिएका औषधि पनि पाएका छैनौं,उल्टै धम्की खानुपर्छ।'
टाउको दुखेका बिरामीले औषधि लिन आउँदा कार्यालय सहयोगीले आइरन चक्की वितरण गर्ने गरेको स्थानीयको आरोप छ। वडाध्यक्ष ददीप्रसाद पाण्डेले स्वास्थ्य केन्द्र प्रमुख तालिमका लागि सुर्खेत गएको बताए । उनले भने,'स्वास्थ्य केन्द्र सुचारु छ। अन्य भएको के हो ? थप बुझेर खबर गर्छु ।'
प्रतिक्रिया दिनुहोस !
