बिहारबाट दिल्ली जाँदै गरेको बस दुर्घटना, दुईको मृत्यु, एक नेपालीसहित ५० जना घाइते
असार १२, २०८२ बिहीबार १२:४१:५९
दिल्ली : भारतको बिहारबाट दिल्ली जाँदै गरेको बस दुर्घटना भएको छ। दुर्घटनामा दुईजनाको मृत्यु भएको छ भने ५० बढी घाइते भएका छन्। घाइतेमध्ये एकजना नेपाली नागरिक रहेको बताइएको छ।
बिहारको दरभंगाबाट दिल्ली आउँदै गरेको स्लीपर बस लखनऊ -आग्रा एक्सप्रेसवेमा दुर्घटना भएको हो।
बसमा लगभग ६० देखि ६५ यात्रु सवार रहेको जनाइएको छ। घाइतेहरूको सैफई मेडिकल इन्स्टिच्युटमा उपचार भइरहेको छ। ट्रकसँग ठोक्किएपछि बस राजमार्गबाट ३० फिट तल खसेको थियो। चालकको लापरवाहीले दुर्घटना भएको उपचाररत घाइतेहरूले बताएका छन्।
प्रतिक्रिया दिनुहोस !
