रौतहट : रौतहटको बागमति नदीमा एकजना पुरुषको बेवारिसे शव फेला परेको छ। राजदेवी गरपालिका- ४ गडहियाटोलस्थित बागमती नदीको किनारमा पहिचान खुल्न नसकेको एक अधबैसे पुरुषको शव फेला परेको प्रहरीले जनाएको छ ।
शुक्रबार बिहान ९ बजेको समयमा अन्दाजी ४० वर्षीय पुरुषको शव स्थानीयले देखेपछि प्रहरीलाई खबर गरेका थिए । खबर पाएपछि घटनास्थलमा प्रहरी टोली पुगेर शव परीक्षणका लागि सदरमुकाम गौरस्थित सरकारी अस्पतालमा पुर्याएको छ।
घटनाको विषयमा प्रहरी अनुसन्धान सुरू गरिएको जिल्ला प्रहरी कार्यालय रौतहटका प्रवक्ता,प्रहरी नायब उपरीक्षक राजु कार्कीले जानकारी दिए ।
प्रतिक्रिया दिनुहोस !
