काठमाडौं : नेपालले युएईलाई २३४ रनको विजयी लक्ष्य प्रस्तुत गरेको छ। आइसीसी विश्वकप लिग २ अन्तर्गतको खेलमा नेपालका कप्तान रोहित पौडेलको सतकीय पारीसहित नेपालले २३४ रनको लक्ष्य दिएको हो।
युएईको आइसीसी एकेडेमीमा टस जितेर ब्याटिङ गरेको नेपालले निर्धारित ५० ओभरमा अलआउट हुँदै २३३ रन बनायो। नेपालका लागि कप्तान रोहित पौडेलले १३० बलमा ५ चौका र २ छक्कासहित १०९ रनको शतकीय पारी खेले।
ओपनर आसिफ शेखले ३५ रन बनाए। आरिफ शेखले २७ रन बनाए। आरिफले कप्तान रोहितसँग चौथो विकेटका लागि ७० रनको अर्धशतकीय साझेदारी गरेका थिए।
करण केसी १३ रनमा क्याच भए। सन्दीप लामिछाने ३ रनमा अविजित रहे। ललित अन्तिम बलमा क्याच हुँदा नेपाल अलआउट भएको हो। युएईका लागि जहिद अलिले सर्वाधिक ४ विकेट लिए। जुनैद सिद्धिकीले ३ विकेट लिँदा मोहम्मद रोहिद, हैदर अलिले १-१ विकेट लिए। नेपाल जारी प्रतियोगिताको पहिलो खेलमा अमेरिकासँग १०६ रनले पराजित भएको थियो।
प्रतिक्रिया दिनुहोस !
