परासी : पार्टीबाट टिकट नपाएपछि नवलपरासीका दुईजना कांग्रेस नेता रास्वपाबाट उम्मेदवार बनेका छन् । कांग्रेस छाडेर रास्वपाका उम्मेदवार हुनेमा नवलपरासी क्षेत्र नम्बर १ बाट विक्रम खनाल छन् । उनी संविधान सभा सदस्यसमेत हुन ।
नेपाली कांग्रेस लुम्बिनी प्रदेशका महामन्त्रीसमेत रहेका खनाल २०७० सालको संविधान सभाबाट नेपाली कांग्रेसबाट बिजयी भएका हुन् । उनलाई २०७४ सालमा निर्वाचन क्षेत्र नम्बर १‘क’ बाट पार्टीले प्रदेश सभा सदस्यमा उम्मेदवार बनाएपनि पराजित भएका थिए । गत २०७९ मा टिकट नपाएपछि पार्टीका उम्मेदवार विनोद चौधरीलाई हराउन भूमिका खेलेको भन्दै खनाललाई कारबाही गरिएको थियो ।
चौधरीसँगै खनालको नाम पनि उम्मेदवारमा सिफारिस भएको थियो । कारबाही फुकुवा भएपनि टिकट नपाउँदा उनी रास्वपाबाट उम्मेदवार बनेका हुन् । खनाल बर्दघाट नगरपालिका भुताहा निवासी हुन् । उनलाई सोमबार रास्वपाले टिकट दिएको हो ।
त्यसैगरी निर्वाचन क्षेत्र नम्बर २ बाट रामग्राम नगरपालिकाका पूर्व मेयर नरेन्द्रकुमार गुप्ता रास्वपाबाट उम्मेदवार भएका छन् । गुप्ता नेपाली कांग्रेसबाट २०७४ सालमा मेयरमा निर्वाचित भएका थिए । पार्टीले उनलाई पुन २०७९ सालमा मेयरको टिकट दिएपनि पराजित भएका थिए ।
रामग्राम नगरपालिका–२ परासीका गुप्तालाई अहिले नेपाली कांग्रेसले उम्मेदवारका लागि सिफारिस गरेको थियो । तर, कांग्रेसबाट देबेन्द्रराज कँडेलले टिकट पाएपछि गुप्तालाई आज मंगलबार बिहान मात्र टिकट दिइएको हो ।
प्रतिक्रिया दिनुहोस !
