पूर्वराजालाई स्वागत गर्न विमानस्थलमा राजावादी, सुरक्षा व्यवस्था कडा (फोटो फिचर)
फागुन १, २०८२ शुक्रबार १३:२६:५६
काठमाडौं : पूर्वराजा ज्ञानेन्द्र शाहलाई स्वागत गर्न राष्ट्र, राष्ट्रियता, धर्म, संस्कृति र नागरिक बचाउ महाअभियान नेपालका संयोजक दुर्गा प्रसाईंसहितका समर्थक विमानस्थल पुगेका छन् । उनीहरू अहिले विभिन्न नारासहित पूर्वराजा शाहको स्वागतमा बसेका छन् ।
प्रसाई समर्थकहरूलाई विमानस्थल बाहिर राखेर भित्र प्रवेश गरेका छन् । राप्रपालगायत राजवादीहरूले उनको स्वागतको तयारी गरिरहेका छन् ।
त्रिुभवन अन्तर्राष्ट्रिय विमानस्थलबाट निर्मल निवास लग्ने तयारी गरेपछि सुरक्षा व्यवस्था कडा पारिएको छ ।
त्रिभुवन अन्तर्राष्ट्रिय विमानस्थलदेखि निर्मल निवाससम्मै कडा सुरक्षा व्यवस्था बनाइएको जिल्ला प्रहरी परिसर काठमाडौंका एसपी तथा प्रवक्ता पवनकुमार भट्टराईले जानकारी दिए ।
अहिले काठमाडौंका चोक–चोकमा बाक्लो संख्यामा सुरक्षाकर्मी परिचालन गरिएको छ । पूर्वराजा शाह झापाबाट हेलिकप्टरमा काठमाडौं आइरहेका छन्। स्थानीय प्रशासनले विमानस्थल क्षेत्रमा निषेधाज्ञा समेत लगाएको छ ।
प्रतिक्रिया दिनुहोस !
