काठमाडौं : जापानको राजधानी टोकियोको विगत र वर्तमानलाई एउटै फ्रेममा प्रस्तुत गर्ने फोटो प्रदर्शनी ‘टोकियो बिफोर/आफ्टर’ नेपालमा सुरु भएको छ। जापान फाउन्डेशन र नेपालस्थित जापानी दूतावासको आयोजनामा बबरमहलस्थित नेपाल कला परिषद्मा प्रदर्शनी सुरु भएको हो। प्रदर्शनी चैत १८ गतेसम्म सञ्चालन हुनेछ।
प्रदर्शनीमा करिब ८० वटा फोटोहर समावेश गरिएका छन्। सन् १९३०-४० को दशकमा खिचिएका टोकियोका तस्बिरहरू र सन् २०१० पछिका तस्बिरहरूलाई सँग राखेर शहरको रूपान्तरण देखाइएको छ। दोस्रो विश्वयुद्धअघिको टोकियो र समकालीन टोकियोको सामाजिक, सांस्कृतिक तथा शहरी परिवर्तनलाई फोटोमार्फत प्रस्तुत गर्ने उद्देश्य रहेको जनाइएको छ।
प्रतिक्रिया दिनुहोस !
