रोल्पा : नेकपाका उम्मेदवार पूर्व अर्थमन्त्री वर्षमान पुन (अनन्त)ले मतान्तर बढाउँदै लगेका छन्। ४ हजार १ सय २० मतगणना हुँदा पुनले १ हजार १ सय ४ मतले अग्रता लिएका छन्। उनले १ हजार ७ सय ४९ मत ल्याएका छन्।
कांग्रेसका डा. सुदन वलीले ६ सय ४५ मत ल्याएका छन्। रुन्टीगढी वडा नं. ३ र ७ को मत गणनामा कांग्रेस र एमालेको मत बढेको छ। एमालेका गोकुलप्रसाद घर्तीले ५ सय ७६ मत ल्याएका छन्। नेकपा माओवादीका चुडामणी वलीले ५ सय ६८ मत ल्याएका छन्। थबाङको १ र २ वडाको मतगणनामा वलीको मत दोस्रो थियो।
पछिल्लो गणनामा रास्वपाको मत पनि बढेको छ। बालराम थापाले ३ सय ३५, मंगोल नेशनल अर्गनाइजेसनका कुमार घर्तीले ४२, नेशनल रिपब्लिक नेपालका मनबहादुर घर्तीले १८, राप्रपाका अम्मबहादुर थापाले १८ र जनमोर्चा नेपालका मेघनाथ विष्टले २७ मत लिएका छन्।
आम जनता पार्टीका दिलबहादुर कामीको ९ मत छ। ३ हजार ९ सय ८७ मत सदर हुँदा १ सय ३३ मत बदर भएको छ मुख्य निर्वाचन कार्यालयले जनाएको छ।
प्रतिक्रिया दिनुहोस !
