रौतहट–१  मा रास्वपाका चौधरीको अग्रता कायमै, नेपाल चौंथो स्थानमा

रौतहट : प्रतिनिधिसभा निर्वाचन क्षेत्र नं. १ को  मतगणनामा  रास्वपाका उम्मेदवार राजेश चौधरीले अग्रता कायमै राखेका  छन् ।  ५८ ह्जार २ सय ६८ मतगणना हुँदा चौधरीले  २३ हजार ९ सय ६० मत  पाएका छन् । एमालेका उम्मेदवार अजय कुमार गुप्ता ९ हजार ९१ मत पाएर दोश्रो स्थानमा छन् । 

नेपाली कांग्रेसका उम्मेदवार अनिलकुमार झाले ६ हजार ८ सय १९ मत ल्याएर तेस्रो स्थानमा छन् भने नेपाली कम्युनिष्ट पार्टीका सहसंयोजक तथा पूर्व प्रधानमन्त्री माधवकुमार नेपालले ६ हजार ४ सय ४६ मत ल्याएर चौथो  स्थानमा पुगेका छन् । त्यस्तै  जसपा उम्मेदवार योगेन्द्र यादवले ५ हजार ६ सय ३९ मत  ल्याएर ५ औं स्थानमा छन् । यो क्षेत्रमा अब १२ हजार मत गन्न बाकी रहेको छ ।