स्याङ्जा : स्याङ्जा प्रहरीले भरुवा बन्दुकसहित विरुवा गाउँपालिकाका ४६ वर्षीय केशबहादुर गुरुङलाई पक्राउ गरेको छ। विरूवा गाउँपालिका -७ चित्लाङस्थित घरमा लुकाई छिपाई राखेको अवस्थामा भरूवा बन्दुकसहित सोसँग सम्बन्धित खरखजनाहरू नियन्त्रणमा लिएको प्रहरी नायब उपरीक्षक प्रसन्नराज चौधरीले जानकारी दिए।
फलामको गज सहित एक नाले भरुवा बन्दुक एउटा,भरुवा बन्दुकमा प्रयोग हुने बारुद ३ ग्राम,छर्रा १० वटा,केप ३ वटा सहित नियन्त्रणमा लिइएको प्रहरीको भनाइ छ । गुरुङलाई हातहतियारसम्बन्धी कसूर मुद्दामा स्याङ्जा जिल्ला अदालतबाट ७ दिनको म्याद थप अनुमति लिई अनुसन्धान प्रक्रिया अगाडी बढाएको प्रहरीले जनाएको छ ।
प्रतिक्रिया दिनुहोस !
