अमेरिका : संयुक्त राज्य अमेरिकाको लुइसियानाका एक व्यक्तिले आफ्नै सात सन्तानसहित आठ जनाको हत्या गरेका छन् । ३१ वर्षीय शमार एल्किन्सले आफ्नै सात सन्तानसहित आठ जनाको गोली हानी हत्या गरेका हुन् ।
फ्रेडी मोंटगोमेरीले छिमेकीकहाँबाट घर फर्किदा सडकपारी शमार एल्किन्सलाई देखेका थिए । एल्किन्स शनिबार दिउँसो आफ्नै घरको अगाडिको बरन्डामा बसेका थिए । दुवै जनाले एकअर्कालाई हात हल्लाए त्यसबेला बालबालिकाहरू आँगनमा खेलिरहेका थिए । अर्को बिहान जब मोंटगोमेरी उठेर पर्दा खोले, उनले सडकपारीको घरमा प्रहरी प्रवेश गरिरहेको देखे । प्रहरीको संख्या झन बढ्दै गयो ।
उनले एक प्रहरीलाई सोधे, ‘के भएको हो, अवस्था निकै खराब हो ?’ प्रहरीले हो भने ।
एल्किन्सले आफ्नी पत्नी र अर्को एक महिलालाई पनि गोली हानेका थिए । अर्की एक महिला (उनकी पत्नीकी बहिनी) र एक १२ वर्षीया बालिकाले ज्यान जोगाउन छतबाट हाम फालेका थिए ।
‘यो अत्यन्तै दुःखद घटना हो, सम्भवतः हामीले देखेको सबैभन्दा ठूलो त्रासदी’, मेयर टम आर्सेनोले आइतबारको पत्रकार सम्मेलनमा भने । सबैभन्दा कान्छी पीडित जायलाÞ एल्किन्स । जसको उमेर ३ वर्षको रहेको अधिकारीहरूले बताएका छन् । हत्या गरिएका अन्य बालबालिकाहरूमा शायला एल्किन्स (५), कायला प्यु (६), लायला प्यु (७), मार्केडन प्यु (१०), सारियाह स्नो (११), खेडार्रियन स्नो (६), र ब्रायलोन स्नो (५), क्याड्डो पेरिश कोरोनरको रहेका छन् ।
प्रतिक्रिया दिनुहोस !
