२०० एमपी ट्राभल पोट्र्रेट : भिभो भी ७० एफई सार्वजनिक हुने तयारीमा
वैशाख २०, २०८३ आइतबार १२:५१:१३
काठमाडौं : भिभोले छिट्टै आफ्नो नयाँ स्मार्टफोन भिभो भी ७० एफई सार्वजनिक गर्ने तयारी गरेको छ। २०० मेगापिक्सेल एआई ‘ट्राभल पोट्रेट’ क्यामेरासहित आउने भनिएको यो डिभाइसले स्टाइलिश डिजाइन,शक्तिशाली इमेजिङ क्षमता र सहज दैनिक प्रयोग अनुभव एकैसाथ दिने अपेक्षा गरिएको छ।
सामाजिक रूपमा सक्रिय तथा डिजिटल जीवनशैलीमा अभ्यस्त प्रयोगकर्तालाई लक्षित गर्दै तयार गरिएको यस स्मार्टफोनले विशेषगरी ट्राभल पोट्रेट र ग्रुप फोटोग्राफीलाई अझ सहज र प्रभावशाली बनाउने लक्ष्य राखेको छ। साथीभाइसँगको घुमफिर,नयाँ स्थानहरूको अन्वेषण वा दैनिक रमाइला क्षण-सबैलाई उत्कृष्ट रूपमा कैद गर्न यसले मद्दत गर्ने विश्वास गरिएको छ।
यस स्मार्टफोनको मुख्य आकर्षणका रूपमा २०० एमपी ओआईएस अल्ट्रा–क्लियर क्यामेरा रहने बताइएको छ, जसले फोटोमा उत्कृष्ट डिटेल र स्पष्टता प्रदान गर्नेछ। उज्यालो दिनका दृश्यदेखि क्लोज-अप पोट्रेट र सामाजिक जमघटसम्म,हरेक फ्रेमलाई जीवन्त बनाउनेमा यसको क्यामेरा केन्द्रित हुने अपेक्षा छ।
इमेजिङ अनुभवलाई अझ स्मार्ट बनाउन नयाँ एआई फिचरहरू पनि समावेश गरिने बताइएको छ। दृश्य,वातावरण र प्रकाशअनुसार एआईले स्वतः फोटोहरूलाई परिमार्जन गर्नेछ, जसले सामान्य क्षणलाई पनि आकर्षक बनाउने अपेक्षा गरिएको छ।
डिजाइनतर्फ पनि भिभो भी ७० एफईले विशेष पहिचान बनाउने संकेत देखिएको छ। ट्रेन्डी र प्रिमियम डिजाइनमा तयार गरिएको यस डिभाइसमा नयाँ सिग्नेचर कलरहरू र आकर्षक ‘डाइनामिक रिङ’ डिजाइन देख्न सकिने सम्भावना छ। हल्का बनावट र आधुनिक लुकले यसलाई व्यक्तिगत स्टाइलसँग मेल खाने स्मार्टफोनका रूपमा प्रस्तुत गर्ने अनुमान गरिएको छ।
प्रदर्शनका हिसाबले ७००० एमएएचको ‘ब्लु भोल्ट’ ब्याट्री र ९० वाटको फ्ल्याश चार्ज जस्ता सुविधाहरू समावेश हुन सक्ने चर्चा छ, जसले लामो समयसम्म प्रयोग र छिटो चार्जिङको अनुभव दिन सक्छ।
कम्पनीले भिभो भी ७० एफ ई सम्बन्धी थप विवरण आधिकारिक लन्च नजिकिँदै जाँदा क्रमशः सार्वजनिक गर्ने जनाएको छ। ट्राभल पोट्रेट,स्मार्ट इमेजिङ र स्टाइलिस डिजाइनमा केन्द्रित यो स्मार्टफोनले प्रयोगकर्तामाझ नयाँ उत्साह ल्याउने अपेक्षा गरिएको छ।
प्रतिक्रिया दिनुहोस !
