सिन्धुली प्रहरी हिरासतमा श्रीकृष्णको मृत्यु, न्यायका लागि काठमाडौंमा प्रदर्शन
वैशाख २०, २०८३ आइतबार १७:१९:२
काठमाडौं : सिन्धुलीस्थित इलाका प्रहरी कार्यालय खुर्कोटको हिरासतभित्र युवकको मृत्यु भएको घटनाको निष्पक्ष छानबिनको माग गर्दै काठमाडौंमा प्रदर्शन भएको छ ।
सुनकोशी गाउँपालिका– ३, जुम्लीडाँडाका २३ वर्षीय श्रीकृष्ण विकको प्रहरी हिरासतमा रहेका वेला गत ७ वैशाखमा मृत्यु भएको घटनाको निष्पक्ष छानबिनको माग गर्दै संयुक्त राजनीतिक दलित संघर्ष समितिले आइतबार काठमाडौंको माइतिघरमा विरोध प्रदर्शनसहित धर्ना दिएका हुन् । धर्नामा विभिन्न राजनीतिक दलका सांसद र नेताहरू समेत सहभागी भएका छन् ।
उनीहरूले दलित समूदायमाथि भइरहेका छुवाछुट,विभेद,बहिष्कार र दमन बन्द गर,प्रहरी हिरासतमा मारिएका सिन्धुलीका श्रीकृष्ण विकलाई न्याय दे लगायतका प्लेकार्ड प्रदर्शन गरेका थिए ।
श्रीकृष्णलाई बलात्कारको झुटा मुद्दा लगाएर फसाइएको र प्रहरी हिरासतभित्र भएको घटना स्वीकार गर्न नसकिने भन्दै पीडित परिवार र अधिकारकर्मी समेत आन्दोलनमा छन् । उनीहरूले घटनाको न्यायीक छानविनको माग गरेका छन् ।
प्रतिक्रिया दिनुहोस !
