रौतहट : हरिपूर्वा नगरपालिकाको बाँके–संग्रामपुर सडकखण्ड अन्तर्गत हरिपुर्वा नगरपालिका–९ खिला गाउँमा यात्रुबाहक बसको ठक्करबाट मोटरसाइकल चालकको मृत्यु भएको छ ।
विहीबार बिहान संग्रामपुरबाट बाँकेतर्फ आउँदै गरेको ग. १ ख ९४६७ नम्बरको बसले बिपरित दिशाबाट जाँदै गरेको ना. ४८ प ४७० नम्बरको मोटरसाइकललाई ठक्कर दिँदा गम्भिर घाइते भएका मोटरसाइकल चालक महोत्तरीको गौशाला नगरपालिबा–१२ कान्तिबजार निबासी भोगेन्द्र ठाकुरको छोरा ३६ वर्षीय पप्पु भन्ने श्याम ठाकुरको मृत्यु भएको जिल्ला प्रहरी कार्यालय मलंगवाले जनाएको छ ।
दुर्घटनामा ठाकुरको टाउकोमा गम्भीर चोट लागेकाले प्रादेशिक अस्पताल मलगंवा पुर्याउँदा चिकित्सकले ठाकुरलाई मृत्त घोषणा गरेको प्रहरीले जनाएको छ । ठक्कर दिने बसका चालक फरार रहेको र बसधनी पर्सा गाउँपालिका–२ संग्रापुर निबासी २७ वर्षीय मनिषकुमार महतो र मोटरसाइकल प्रहरी चौकी गौरीशंकरको नियन्त्रणमा राखेर आवश्यक कारबाही प्रक्रिया अगाडि बढाइएको जिल्ला प्रहरी कार्यालयले जनाएको छ ।
प्रतिक्रिया दिनुहोस !
