इटाली : इटली भ्रमणमा रहेका भारतीय प्रधानमन्त्री नरेन्द्र मोदीले इटलीकी प्रधानमन्त्री जर्जिया मेलोनीलाई ‘मेलोडी’ टफी (चक्लेट) उपहार दिएका छन् । मेलोनीले आफैं यो रमाइलो ‘मेलोडी’ क्षणको भिडियो शेयर गरेकी छन्, जुन सामाजिक सञ्जालमा तीव्र रूपमा भाइरल भइरहेको छ । प्रधानमन्त्री नरेन्द्र मोदी आफ्नो पाँच देशको भ्रमणको अन्तिम चरणमा इटलीको राजधानी रोम पुगेका छन् ।
यस भ्रमणका क्रममा महत्वपूर्ण कूटनीतिक छलफलबीच एउटा निकै रोचक र रमाइलो घटना सार्वजनिक भएको छ । प्रधानमन्त्री मोदीले इटलीकी प्रधानमन्त्री जर्जिया मेलोनीलाई ‘पार्ले मेलोडी’ चकलेटको प्याकेट उपहार दिएका हुन् । यसको भिडियो इन्टरनेटमा तीव्र रूपमा भाइरल भइरहेको छ। यो भिडियो स्वयं प्रधानमन्त्री मेलोनीले आफ्नो एक्स ह्यान्डलमार्फत शेयर गरेकी हुन् ।
भाइरल भिडियोमा के छ ?
के हो ‘मेलोडी’ को अर्थ ?
इन्टरनेट र सामाजिक सञ्जालमा ‘मेलोडी’ शब्द वास्तवमा इटलीकी प्रधानमन्त्री जर्जिया मेलोनी र भारतका प्रधानमन्त्री नरेन्द्र मोदीको थर जोडेर बनाइएको हो । मेलोनी + मोदी = मेलोडी । यो शब्द पहिलो पटक केही वर्षअघि दुवै नेताको भेटपछि ट्रेन्डमा आएको थियो ।
त्यसबेला मेलोनीले एउटा सेल्फी भिडियो पोस्ट गर्दै ‘हेलो फ्रम द मेलोडी टिम’ भनेकी थिइन् । त्यसपछि सामाजिक सञ्जाल प्रयोगकर्ताले उनीहरूको कूटनीतिक मित्रतालाई ‘मेलोडी’ नाम दिएका थिए । अहिले प्रधानमन्त्री मोदीले यही ग्लोबल सोशल मिडिया ट्रेन्डलाई रमाइलो शैलीमा प्रतिक्रिया दिँदै साँच्चीकै ‘मेलोडी’ टफी उपहार दिएका हुन् ।
‘रोमन कोलोसियम’ के हो ? किन विशेष छ यो भेट ?
यसअघि इटली पुगेका प्रधानमन्त्री नरेन्द्र मोदीको भव्य स्वागत गरिएको थियो । उनलाई ‘गार्ड अफ अनर’ समेत दिइएको थियो । इटलीकी प्रधानमन्त्री जर्जिया मेलोनीले उनलाई आफ्नो ‘मित्र’ भन्दै सम्बोधन गरेकी थिइन् ।
‘रोमन कोलोसियम’ के हो, जहाँ मेलोनीसँग घुम्न पुगे मोदी ?
इटली भ्रमणमा रहेका भारतीय प्रधानमन्त्री नरेन्द्र मोदीका तस्बिरहरू बुधबार सामाजिक सञ्जालमा निकै भाइरल बने । ती तस्बिरहरूमा उनी इटलीकी प्रधानमन्त्री जर्जिया मेलोनीसँग रोमको सुन्दरता अवलोकन गर्दै देखिएका छन् ।
मेलोनीले स्वयं प्रधानमन्त्री मोदीलाई स्वागत गरिन् र सामाजिक सञ्जालमा सेल्फी शेयर गर्दै उनलाई आफ्नो मित्र बताइन् । उनले मोदीका लागि विशेष डिनरको आयोजना पनि गरिन् । त्यसपछि दुवै नेता रोमको ऐतिहासिक ‘रोमन कोलोसियम’ पुगे, जहाँ उनीहरू झिलिमिली बत्तीले उज्यालिएको ऐतिहासिक संरचनाको गल्लीहरूमा हिँड्दै कुराकानी गरिरहेको देखिए ।
प्रधानमन्त्री मोदी र मेलोनीबीचको राम्रो सम्बन्ध र व्यक्तिगत मित्रता पहिले नै चर्चित छ । यस्तो अवस्थामा औपचारिक कार्यालयभन्दा बाहिर कोलोसियम जस्तो ऐतिहासिक स्थलमा सँगै घुम्नुले दुई देशबीचको सम्बन्ध केवल कागजी सम्झौतामा सीमित नभएको सन्देश दिन्छ ।
के हो रोमन कोलोसियम ?
कोलोसियम इटलीको राजधानी रोममा अवस्थित विशाल एम्फीथिएटर अर्थात् खुला रंगशाला हो । यसको निर्माण सन् ७०–७२ ईस्वीमा फ्लाभियन वंशका सम्राट भेस्पासियनले सुरु गरेका थिए भने सन् ८० ईस्वीमा सम्राट टाइटसले यसको उद्घाटन गरेका थिए । यो संरचना रोमका जनतालाई मनोरञ्जनका लागि उपहारस्वरूप बनाइएको थियो । यहाँ एकै पटक ५० हजारभन्दा बढी मानिस बस्न सक्थे । यसमा ८० वटा प्रवेशद्वार थिए, जसका कारण करिब १० मिनेटमै सम्पूर्ण रंगशाला खाली गर्न सकिन्थ्यो ।
विश्वका सात आश्चर्यमध्ये एक
रोमन साम्राज्यको समयमा कोलोसियम केवल एउटा भवन मात्र थिएन, यो रोमन संस्कृति र मनोरञ्जनको प्रमुख केन्द्र थियो । यहाँ योद्धा र दासबीच हुने रक्तपातपूर्ण युद्धहरू आयोजना गरिन्थ्यो । मानिस र जंगली जनावरबीचको भिडन्त पनि यहाँ गराइन्थ्यो ।
त्यसका साथै यहाँ प्रसिद्ध पौराणिक नाटकहरूको मञ्चन समेत हुन्थ्यो । प्राचीन वास्तुकला र रोमन इन्जिनियरिङको उत्कृष्ट नमूनाका रूपमा यसलाई हेरिन्छ । यही कारणले कोलोसियमलाई विश्वका सात आश्चर्यमध्ये एक मानिएको छ र यो युनेस्कोको विश्व सम्पदा सूचीमा समेत सूचीकृत छ ।
किन महत्वपूर्ण छ ‘कोलोसियम वाक’ ?
प्रधानमन्त्री मोदी र जर्जिया मेलोनीबीचको यो भेटमा धेरै सन्देश लुकेका छन् । जब दुई देशका नेता औपचारिक बैठक कक्षभन्दा बाहिर कुनै ऐतिहासिक सम्पदास्थलमा अनौपचारिक रूपमा भेट्छन्, त्यसले अन्तर्राष्ट्रिय राजनीतिमा गहिरो अर्थ राख्छ ।
भारत विश्वका सबैभन्दा पुराना र जीवित सभ्यतामध्ये एक हो भने रोमन साम्राज्य युरोपको सबैभन्दा प्रभावशाली प्राचीन सभ्यता मानिन्छ । त्यसैले यी दुई प्राचीन सांस्कृतिक शक्तिका नेताहरूको कोलोसियममा भेट हुनु सांस्कृतिक दृष्टिले पनि महत्वपूर्ण मानिएको छ । यसले भारत–इटलीबीच मजबुत बन्दै गएको रणनीतिक, सांस्कृतिक र व्यक्तिगत सम्बन्धलाई थप उजागर गरेको छ । तस्बिरहरु : मोदीको ट्वीटर (एक्स) बाट
प्रतिक्रिया दिनुहोस !
