काठमाडौं : एसियन गेम्स छनोटको महिलातर्फको तेस्रो स्थानको लागि नेपालले चीनलाई ५१ रनको विजयी लक्ष्य दिएको छ । मलेसियाको क्वाललम्पूरमा टस हारेर ब्याटिङको निम्तो पाएको नेपालले निर्धारित ७ ओभरमा ५ विकेटको क्षतिमा ५० रन बनायो ।
वायुमास ओभरमा खेलको बीचमा बर्षा हुँदा खेल रोकिएको थियो । जसले गर्दा खेल ७ ओभरमा घटाएर खेलाइएको हो । नेपालको लागि कविता कुँवरले सर्वाधिक २२ रन बनाइन् । उनले १० बलमा १ चौका र १ छक्का प्रहार गरिन् । ओपनर सम्झना खड्का ५ रनमा पेभेलियन फर्किइन् ।
सोनी पाख्रिनले ५ र कप्तान इन्दु बर्माले ११ रन बनाइन् । रुबिना क्षेत्री ३ रनमा अविजित रहिन् । चीनको लागि मा रुइकीले २ विकेट लिइन् । मिङ्ग्युइ जु र जाओ इहानले १–१ विकेट लिए । यो खेलको विजेता टोलीले जापानमा हुने एसियन गेम्समा स्थान बनाउने छन् ।
प्रतिक्रिया दिनुहोस !
