रौतहट : जग्गा विवादका क्रममा सर्लाहीमा कुटपिट हुँदा एक वृद्धको ज्यान गएको छ । गोडैता नगरपालिका–९ का ७० वर्षीय अहमिद मन्सुरमाथि कुटपिट भएको थियो । कुटपिटबाट गम्भीर घाइते मन्सुरीको उपचारका क्रममा मृत्यु भएको प्रहरीले जनाएको छ ।
घटना गत जेठ २२ गतेको हो । उनका छिमेकी श्रीचन महतोसँग जग्गासम्बन्धी विवाद हुँदा श्रीचनका छोरा सुशील महतो, रमजान मन्सुरलगायतले उनलाई निर्घात कुटपिट गरेर घाइते बनाएका थिए ।
गम्भीर घाइते भएका मन्सुरलाई मलंगवास्थित म्याक्स अस्पतालमा भर्ना गरिएको भए पनि उपचारको क्रममा शनिबार बिहान ७ बजे मृत्यु भएको जिल्ला प्रहरी कार्यालय सर्लाहीले जनाएको छ । घटनामा संलग्नमध्ये रमजान मन्सुरलाई प्रहरीले नियन्त्रणमा लिएर अनुसन्धान अघि बढाउँदै अन्य घटनामा संलग्न श्रीचन महतो र सुशील महतो फरार रहेकाले उनीहरूको खोजी भइरहेको सर्लाही प्रहरीले जनाएको छ ।
प्रतिक्रिया दिनुहोस !
