विराटनगरः विराटनगर २१मा एचआईभी संक्रमित एक लागुऔषध सेवनकर्ता मृत्त भेटिएका छन् ।
सार्वजनिक शौचालय नजिकै सुतिरहेको अवस्थामा राति १० बजे मृत्त युवा फेला परेको प्रहरीले जनाएको छ ।
प्रहरीले मृतकको पहिचान खुल्न नसकेको बताएको छ । प्रहरीले युवक धरान १५ का २८ वर्षीय सुमन राई भएको हुन सक्ने अनुमान गरेको छ ।
इलाका प्रहरी कार्यालय रानीका प्रहरी निरीक्षक जागेश्वर भण्डारीका अनुसार अत्यधिक लागूऔषध सेवनका कारण एचआईभी संक्रमित राईको मृत्यु भएको आशंका गरिएको छ । प्रहरीले घटनाका बारेमा अनुसन्धान थालेको जानकारी भण्डारीले दिए ।
विराटनगर उपमहानगरपालिकाले निर्माण गरेको सार्वजनिक शौचालय विगत लामो समयदेखि लागूऔषध सेवनकर्ताको अखडाका रुपमा चिनिएको प्रहरीले जनाएको छ ।
त्यो स्थानलाई भारतको जोगवनी पुगेर लागुऔषध सेवन गरेर आउने नेपाली लागूऔषध प्रयोगकर्ताले आरमस्थलका रुपमा प्रयोग गर्ने गरेका छन् ।
प्रतिक्रिया दिनुहोस !
