सोमर्सबी एप्पल साइडर इटहरीमा पनि
काठमाडौंः सोमर्सबी एप्पल साइडर शुक्रबारबाट इटहरी बजारमा पनि बिक्री हुन थालेको छ । काठमाडौं, पोखरा र नारायणघाटमा सफल बजार विस्तारपछि गोर्खा बु्रअरी प्रालिले इटरीमा पनि आफ्नो उपस्थिति जनाएको हो ।
सोमर्सबी एप्पल साइडर स्याउबाट बनाइएको पेय पदार्थ हो । यसमा ४.५ प्रतिशत अल्कोहलको मात्रा रहेको छ । गुलियो र स्वादिलो रहेको सोमर्सबी पूर्णतया प्राकृतिक तत्त्वले बनेको र यसमा कुनै कृत्रिम स्वाद र रङ नमिसाइएको कम्पनीले जनाएको छ ।
महिला तथा पुरुष दुवैका लागि उपयुक्त सोमर्सबी एप्पल साइडर गर्मीको दिनमा, दिउँसो खानासँग वा कुनै पनि समयमा पिउन उपयुक्त हुने कम्पनीले जनाएको छ । नेपालमा आएको छोटो समयमा सोमर्सबी एप्पल साइडर उपभोक्तामाझ लोकप्रिय बन्दै गएको छ ।
हाल सोमर्सबी एप्पल साइडर दुई सय ५० मिलिग्रामको बोतलमा उपलब्ध छ जसको मूल्य एक सय रुपैयाँ कायम गरिएको छ र यो १२ बोतलको कार्टुनमा उपलब्ध छ । कम्पनीले निकट भविष्यमा अरू विभिन्न सहरमा पनि यो पेय पुर्याउने जनाएको छ ।