महान्यायाधिवक्ता हरि फुयालको राजीनामा
काठमाडौँः नेपाल सरकारका महान्यायाधिवक्ता हरि फुयालले राजीनामा दिएका छन् । व्यवस्थापिका संसदबाट नेकपा (माओवादी केन्द्र)का अध्यक्ष पुष्पकमल दाहाल ‘प्रचण्ड’ प्रधानमन्त्री बन्ने निश्चित भएपछि महान्यायाधिवक्ता फुयालले राजीनामा दिएका हुन् ।
फुयालले साउन २० गते अर्थात् बिहीबारबाट लागू हुने गरी प्रधानमन्त्रीमार्फत् राष्ट्रपति समक्ष राजीनामा बुझाएका हुन् ।
नयाँ सरकार गठन हुँदा अघिल्लो सरकारका महान्यायाधिवक्ता परिवर्तन गर्ने प्रचलन छ ।
फुयालले सोही प्रचलन अनुसार सरकार परिवर्तन हुने अघिल्लो दिन नै पदबाट राजीनामा दिएका हुन् । महान्यायाधिवक्ता सरकारको कानुनी सल्लाहकार हुन्।
प्रतिक्रिया दिनुहोस !
