अक्षय कुमारको नयाँ फिल्म ‘रस्तम’को सफलता पछि उनलाई बधाई दिनेको लाइन नै लाग्ने गरेको छ । तर, अक्षयले भने ऋतिक रोशनको बधाई लिन पर्खिरहेका छन् ।
अक्षयको नयाँ फिल्म रुस्तमले ऋतिकको फिल्म ‘मोहेनजो दारो’लाई चुनौती दिएको छ । चार दिनमा अक्षयको रुस्तमले ५० करोड भन्दा बढी कमाएको छ भने ऋतिकको मोहेनजो दारोले ३० करोड कमाई गरेको छ ।
दुई साथीको फिल्म एकै पटक चलिरहेका बेला अक्षयले फिल्मका कारणले आफूहरुको सम्बन्धमा कुनै दरार उत्पन्न नहुने बताएका छन् । उनले भनेका छन्–‘फिल्मका कारण निजी सम्बन्ध बिगार्नु बेवकुफीपना हो । त्यस्तो केही हैन ।’
उनले फिल्म आउने जाने भइरहने भएकाले फिल्मसँग सम्बन्धलाई दाँज्न नमिल्ने बताएका छन् । व्यक्तिगत र व्यवसायिक सम्बन्ध आआफ्नो स्थानमा हुने अक्षयले बताएका छन् ।
अक्षयले भनेका छन्–‘ऋतिक र म आज पनि असल छिमेकीजस्तै छौ । हामी दुवैबीच कुराकानी हुन्छ । समय मिलाएर हामी खाना पनि सँगै खाने गरेका छौं ।’
ऋतिकले अहिलेसम्म अक्षयलाई फिल्म रुस्तमको सफलताको विषयलाई लिएर बधाई दिएका छैनन् । फिल्मबाट सफता पाउनु भाग्यको खेल रहेको भन्दै अक्षयले यस विषयलाई गम्भिरताका लिन नहुने बताए । आज आफूले पाएको सफलता भोलि कसैले प्राप्त गर्ने भन्दै उनले फिल्मी सफलतालाई कसैले बाँधेर राख्न नसकिने बताए ।
अक्षयले सबै इन्ड्रष्टिका फिल्म बक्स अफिसमा हिट हुन् भन्ने कामना गरेका छन् । रुस्तमको सफलतापछि अहिले उनी नयाँ फिल्म ‘जाली एलएलबी’ को सुटिङमा व्यस्त भएको छन् ।
प्रतिक्रिया दिनुहोस !
