लगातार तेस्रो हारसँगै नेपाल प्रतियोगिताबाट बाहिरियो
![लगातार तेस्रो हारसँगै नेपाल प्रतियोगिताबाट बाहिरियो](https://annapurnapost.prixacdn.net/media/albums/Nepal-womens-national-cricket-team-583d56ba0e1518.41767266_VFUPc6Tcaj.jpg)
काठमाडौंः लगातार तेस्रो हार बेहोर्दै नेपाली टोली एसियाली क्रिकेट काउन्सिल (एसिसी) महिला एसिया कप क्रिकेट प्रतियोगिताको उपाधि होडबाट बाहिरिएको छ ।
नेपाल मंगलबार भएको आफ्नो तेस्रो खेलमा बंगलादेशसँग ९२ रनले पराजित भएको छ । नेपालले अब खेल्न बाँकी रहेको दुई खेलमा जित हात पारे पनि प्रतियोगिताको फाइनल पुग्न पर्याप्त हुनेछैन ।
अघिल्ला दुई खेलमा टिट्वान्टी टोलीको मान्यता प्राप्त पाकिस्तान र श्रीलंकासँग भारी अन्तरले पराजित भएको नेपाल ६ टोली सम्मिलित प्रतियोगिताको अंक तालिकाको पुछारमा छ ।
नेपालले अब आफ्नो बाँकी दुई खेलमा प्रतियोगिताको एक्लो उपाधि विजेता टोली भारतसहित थाइल्यान्डसँग प्रतिस्पर्धा गर्न बाँकी छ ।
प्रतिक्रिया दिनुहोस !
![Unity](https://annapurnapost.prixacdn.net/static/assets/images/unity-logo.png)