काठमाडौः १३ मेगापिक्सलको सेल्फी क्यामेरासहित इन्फोकस ६८० स्मार्टफोन बजारमा आएको छ । अमेरिकन ब्रान्ड इन्फोकसको नेपालका लागि आधिकारिक बिक्रेता प्रिजम इन्टरप्राइजेज प्रालिले बजारमा इन्फोकस ६८० सार्वजनिक गरेको हो ।
१९ हजार नौ सय ९० मूल्य तोकिएको यस स्मार्टफोनमा ५.५ इन्चको फूल एचडी डिस्प्ले रहेको छ । यस स्मार्टफोनमा १.३ गिगाहर्जको क्वाडकोर प्रोसेसर प्रयोग गरिएको छ ।
आकर्षक, स्लिम र मेटल बडिको डिजाइनमा रहेको फोनमा २ जीबी र्याम प्रयोग गरिएको छ । स्मार्टफोनमा १६ जीबी आन्तरिक मेमोरी छ जसलाई माइक्रो एसडी कार्डको प्रयोग गरी ६४ जीबीसम्म थप्न सकिने कम्पनीले जनाएको छ ।
यस स्मार्टफोनमा १३ मेगापिक्सेलको रियर एवं फ्रन्ट क्यामेरा प्रयोग गरिएको छ । यो फोन सेल्फी खिच्न चाहने ग्राहकका लागि बढी प्रभावकारी हुनेछ । एन्ड्रोइड मार्समालो ६.० अपोरेटिभ सिस्टममा आधारित यस स्मार्टफोनले जी सेवा पनि सपोर्ट गर्नेछ । फोनमा २६०० एमएचको ब्याट्री प्रयोग गरिएको कम्पनीले जनाएको छ ।
प्रतिक्रिया दिनुहोस !
