सशस्त्र बन्दुकधारीको आक्रमणमा नौ गाउँलेको मृत्यु
मनिला: दक्षिण फिलिपिन्सको बासिलान प्रान्तको एक दुर्गम गाउँमा सशस्त्र बन्दुकधारीहरु गरेका आक्रमणमा परी नौ व्यक्तिको मृत्यु भएको छ। यस आक्रमणमा परी अन्य १० घाइते भएका छन।
सोमबार बिहान ५० भन्दा बढी सशस्त्र बन्दुकधारीहरुले सो आक्रमण गरेका प्रहरी स्रोतले जानकारी दिएको छ। स्थानीय समयानुसार सोमबार बिहान ५:३० बजे सो आक्रमण भएको थियो। ती बन्दुधारीहरुले गाउँलेहरुलाई गोली प्रहार र घरहरुमा आगजनी गर्दै आक्रमण सुरु गरेका उक्त प्रान्तका प्रहरी निरीक्षकले जानकारी दिएको छ।
यस आक्रमणमा कुनै समूहको हात रहेको हो सोको परिचय नखुलेको प्रहरीले जानकारी दिएको छ।हालसम्म कुनै पनि समूहले यस आक्रमणको जिम्मा पनि लिएका छैनन।रासस/सिन्ह्वा
प्रतिक्रिया दिनुहोस !
