मधुवन नगरपालिका कार्यालयमा शक्तिशाली विष्फोट
बर्दियाः मधुवन नगरपालिकाको कार्यालयमा शक्तिशाली बम विष्फोट भएको छ । अज्ञात समुहले बम विष्फोट गराएपछि नगरपालिकाको कार्यालय रहेको पुरानो भवनमा क्षति पुगेको हो ।
विष्फोटबाट नगरपालिका कार्यालयको सिसाको झ्याल फुटेर क्षति भएको जिल्ला प्रहरी कार्यालय बर्दियाका प्रहरी नायव उपरीक्षक युवराज खड्काले जानकारी दिए । उनले भने, ‘अज्ञात समूहले विष्फोटक पदार्थ राखेको हुनसक्छ ।’
आइतवार वेलुकी पौने ६ बजे एक्कासी नगरपालिका कार्यालयमा विष्फोट भएपछि मधुवनका स्थानीय त्रसित बनेका छन् । नगरपालिकामा बम विष्फोट गराउने समूहबारे अनुसन्धान भइरहेको खड्काले बताए । स्थानीयको भनाई उधृत गर्दै उनले भने, ‘एक व्यक्तिले विष्फोटक पदार्थ राखेर जानेवित्तिकै विष्फोट भएको छ ।’
प्रतिक्रिया दिनुहोस !
