अदालत परिसरमै प्रहरीद्वारा कुटिइन् वृद्धा
गौरः जिल्ला अदालतमा बहस सुन्न पुगेका दुईजना महिलालाई प्रहरीले अदालत परिसरमै कुटपिट गरेका छन् । बालक हत्याको बिषयमा अभियुक्तहरुलाई अदालतमा बहस गराउन लगेको समयमा त्यहाँ पुगेका पीडित पक्षका महिलालाई सुरक्षाकर्मीहरुले कुटपिट गरेका हुन् ।
राजपुर नगरपालिका–९ बैरियाटोलमा माघ ९ गते ८ वर्षीय बालक महफुज देवानलाई धारिलो हतियारले हत्या गरेको घटनामा सोमवार पाँच अभियुक्तलाई अदालत पेश गरिएको थियो ।
जिल्ला अदालतमा बहस सुन्न मृतक बालककी ५५ वर्षीया हजुरआमा कोरैसी फकिरीसहित २४ जना भन्दा धेरै स्थानीय अदालतमा प्रवेश गर्न खोज्दा प्रहरीले कुटपिट गरेका हुन् ।
घाइते महिलाहरुको संबेदनशील अंगमा चोट लागेको गौर अस्पतालका अहेव पंकज ठाकुरले जानकारी दिएका छन् । रौतहटका प्रहरी उपरिक्षक यज्ञविनोद पोखरेलले अदालत परीसरमा न्याय सम्पादनलाई प्रभावित गर्ने उद्देश्यले केही व्यक्ति प्रवेश गर्न लाग्दा सुरक्षाकर्मीले रोकेको बताएका छन् ।
सुरक्षाकर्मीले नियतवश कसैलाइए कुटपिट नगरेको समेत प्रहरी उपरीक्षक पोखरेलले दाबी गरे । घाइते खातुनलाई गौरबाट थप उपचारका लागि वीरगञ्ज पठाइएको छ । अर्की महिलाको गौर अस्पतालमै उपचार भइरहेको छ ।
प्रतिक्रिया दिनुहोस !
