काठमाडौं : जिम्बावेमा जारी एकदिवसीय विश्वकप छनोट प्रतियोगिताको समूहगत चरणको अन्तिम खेलमा सोमबार भइरहेको खेलमा नेपालका लागि बसन्त रेग्मीले हङकङको पहिलो विकेट लिएका छन् ।
हङकङले टस जितेर पहिले ब्याटिङमा जाने निर्णय गरेपछि बलिङको निम्तो पाएको नेपालका लागि बसन्तले छैटौँ ओभरमा विकेट लिएका हुन् । उनले हङकङका कार्टरलाई २१ बलमा ९ रन बनाएको अवस्थामा पहिलो विकेटका रुपमा पेभेलियन पठाएका हुन् ।
ताजा अवस्थामा हङकङ ७ ओभरको सामना गर्दै १ विकेटको क्षतिमा ३५ रन बनाएर खेलिरहेको छ । नेपालले नेपालले सुपर सिक्स चरणमा पुगेर विश्वकपममा स्थान बनाउन हङकङलाई ठुलो अन्तरले हराउनुपर्ने बाध्यता छ ।
समूहगत चरणका अघिल्ला तीन खेलमा नेपालले लगातार हार खेपेको छ । हङकङसँग पराजित भएमा नेपालको विश्वकप छनोट यात्रामा पूर्णविराम लाग्नेछ।
प्रतिक्रिया दिनुहोस !
