मुसलमानलाई मूलधारमा ल्याइने
काठमाडौं : श्रम, रोजगार तथा सामाजिक सुरक्षामन्त्री गोकर्णराज विष्टले मुलुकमा राजनीतिक परिवर्तनका लागि भएका विभिन्न संघर्षका क्रममा मुसलमान समुदायको उल्लेखनीय भूमिका रहेको बताए ।
नेकपा (एमाले) निकट मुस्लिम इतेहाद संगठनले सोमबार यहाँ आयोजना गरेको अन्तक्र्रियामा उनले मुसलमानका अधिकारलाई संरक्षण गरी राज्यको मूल धारमा ल्याउन सरकार प्रतिवद्ध रहेको बताए । कार्यक्रममा प्रतिनिधिसभाका सांसद कलिला खातुनले सबै समुदायका परम्परासँग जोडिएका सार्वजनिक बिदा कटौती नगर्न सरकारलाई आग्रह गरे ।
यसैबीच संगठनको केन्द्रीय समितिको बैठक सोमबारदेखि शुरु भएको छ । मंगलबारसम्म हुने उक्त बैठकमा मुसलमान समुदायका धार्मिक पर्व तथा संस्कृतिसँग सम्बन्धित बिदा तथा समुदायको आर्थिक, सामाजिक तथा राजनीतिक सहभागिताका अवस्थालगायत विषयमा छलफल गरिने छ ।
सरकारले हालै इद, बकर इद र मोहम्मद दिवसमा कटौती गरेको छ । केन्द्रीय कार्यसमितिमा ९१ सदस्य रहेको उक्त संगठनमा करीब २० हजार सदस्य रहेको बताइएको छ ।रासस
प्रतिक्रिया दिनुहोस !
