पाल्पा :पाल्पामा टिप्परले ठक्कर दिँदा एक बालिकाको मृत्यु भएको छ । तानसेन नगरपालिका अप्पु भिलेजमा शुक्रबार बेलुका लु २ प २४४० नम्वर टिप्परले लु १४ प ८७५९ नम्वरको मोटरसाइकललाई ठक्कर दिँदा मोटरसाइकलमा सवार तानसेन नगरपालिका वडा नंं १२ जाँदै गरेकी सिद्धार्थ नगरपालिका–१ भैरहवाकी ५ वर्षीया आनसिक दर्लामीको घटनास्थलमै मृत्यु भएको जिल्ला प्रहरी कार्यालय पाल्पाले जनाएको छ ।
टिप्परको ठक्करबाट मोटरसाइकल चालक केशव दर्लामी र उनको श्रीमती घाइते भएका छन । यातायात बन्दको कारण सडक सवारी साधन कम चलेको अवस्थामा तीव्र गतिमा आएको टिप्परले मोटरसाइकललाई ठक्कर दिएको थियो ।
टिप्पर चालकलाई नियन्त्रण लिई अनुसन्धान सुरु गरेको प्रहरी नायव उपरीक्षक विनोद घिमिरेले बताए । पाल्पामा पछिल्लो समय टिप्परको कारण दुर्घटनामा बृद्धि हुदै गएको छ । टिप्परको अत्याधिक गतिको कारण पाल्पाबासी त्रसित हुँदै आएका छन् ।
प्रतिक्रिया दिनुहोस !
