रुकुम(पूर्व) : रुकुम(पूर्व)को भुमे गाउँपालिका एक पञ्चासेमा ट्याक्टर दुर्घटना हुँदा दुई जनाको मृत्यु भएको छ। मध्यपहाडी लोकमार्गमा काम गर्ने रा १ त २२६१ नम्बरको ट्याक्टर शुक्रबार बेलुकी दुर्घटना हुँदा अन्दाजी ४० वर्षीय गणेश भण्डारी र अन्दाजी ३५ वर्षीय चुडामणि चौधरीको मृत्यु भएको प्रहरीले जनाएको छ।
गणेशको घटनाथलमै र चुडामणिको उपचारका लागि रुकुम(पश्चिम) ल्याउँदै गर्दा बाटोमा मृत्यु भएको जिल्ला प्रहरी कार्यालय रुकुम(पूर्व)ले जनाएको छ। मृतकको ठेगाना खुल्न सकेको छैन्। त्यस्तै दुर्घटनामा परी १४ जना घाइते भएका छन्।
प्रहरीका अनुसार घाइतेको जिल्ला अस्पताल रुकुम(पश्चिम)मा उपचार भैरहेको छ। दुर्घटनामा पर्ने सबै मध्यपहाडि लोकमार्गमा काम गर्ने जिल्ला बाहिरका कामदार हुन्। दिनभरीको काम सकाएर बेलुका ट्याक्टर चढेर बस्ने ठाउँतर्फ फर्कदै गर्दा उनीहरु दुर्घटनामा परेका हुन्।
ट्याक्टर अनियन्त्रिण भई सडक छेउमा रहेको घरमा ठोक्किएर दुर्घटना भएको प्रहरीले जनाएको छ। ट्याक्टर चालक हिरा चौधरी फरार रहेको र खोजी कार्य जारी रहेको बताइएको छ।
प्रतिक्रिया दिनुहोस !
