प्रमुख कार्यकारीअधिकृत भूसालको बिदाई
काठमाडौं : राष्ट्रिय पुनर्निर्माण प्राधिकरणका प्रमुख कार्यकारीअधिकृत युवराज भूसालले भूकम्प प्रभावितहरुको आँसु पुछ्ने प्रयास गरेको बताएका छन् । मन्त्रिपरिषद्को चार दिनअघि बसेको बैठकले पदमुक्त गर्ने निर्णय गरेपछि प्राधिकरणमा भएको विदाईका क्रममा उनले यस्तो बताएका हुन् ।
भूसालले भने, ‘प्राधिकरणका सबै तह र तप्काका कर्मचारी एवं सम्बन्धित निकाय, नेपालका सरकारका विभिन्न निकायहरु, विकास साझेदारहरु एवं सञ्चारमाध्यमको सहयोगमा पुनर्निर्माणको क्षेत्रमा योगदान गर्न पाएकोमा खुसी लागेको छ ।’
सञ्चारकर्मीसँग आफ्नो कार्यकालमा भएको कामको प्रगति सुनाउँदै उनले भूकम्प प्रभावितहरुको आँसु पुछ्न आफूले यथाशक्य प्रयास गरेको र उक्त कामबाट आफू सन्तुष्ट रहेको बताएका हुन् ।
अघिल्लो सरकारले पौने चार महिना र वर्तमान सरकारले पौने पाँच महिना काम गर्ने अवसर दिएकोमा पनि उनले धन्यवाद दिए । आगामी आर्थिक वर्षमा निजी आवास तर्फका कार्यहरु सम्पन्न गर्ने जग बसेको उनको भनाई छ ।
प्रतिक्रिया दिनुहोस !
