काठमाडौँ : गृहमन्त्री रामबहादुर थापा बादलले कञ्चनपुरकी १३ वर्षीया बालिका निर्मला पन्तको बलात्कारपछि हत्यामा संलग्नलाई पक्राउ गर्न सरकारले पुरै शक्ति लगाएको बताएका छन् ।
मंगलबार बसेको राष्ट्रिय सभाको बैठकमा सांसदहरुले उठाएका प्रश्नहरुको जबाफ दिँदै गृहमन्त्री थापाले देशमा हरेक दिन भइरहेका बलात्कारका घटनाले सरकार गम्भीर बनेको पनि जिकिर गरे ।
'देशमा प्रत्येक दिन बलत्कार हत्या भएका छन्', उनले भने, 'देशमै बलत्कार र हत्याका घटना भइरहँदा विदेशबाट पनि मानसिक सन्तुलन गुमाएर नेपाली चेलीहरु आउन बाध्य भएका छन् ।'
दिनदिनै बलात्कार र हत्याका घटना भइरहँदा पनि रोक्न नसक्दा सरकारमाथि उठेका प्रश्न स्वभाविक रहेको थापाले बताए । 'किन यस्तो भइरहेको छ, किन हामी यसलाई रोक्न सकिरहेका छैनौँ भन्ने एउटा गम्भीर प्रश्न छ', उनले भने, 'यसलाई रोक्न सरकारले प्रयास गरिरहेको छ। यस्ता घटना रोक्न सरकारसँग भिजन, नीति र नेत्वत पनि हामी यस्ता घटनालाई रोक्छौँ ।'
समृद्ध रस सुखी नेपाल बनाउन यस्ता अपराध रोक्नै पर्ने थापाले बताए । 'यस्ता घटना रोक्नु हामी सबैको दायित्व हो', उनले भने, 'निर्मला हत्यादेखि यता विकसित घटनाले सरकार गम्भीर भएको छ । अनुसन्धान भइरहेकाले हत्यारा पता लगाउन सरकारले आफ्नो पुरै शक्ति लागएको छ।'
थापाले निर्मलाको बलत्कारपछि हत्या भएको घटना छानबिन गर्न गठित उच्चस्तरीय समितिले मंगलबार आफ्नो प्रतिवेन दिएको पनि सांसदहरुलाई जानकारी दिए ।
'सरकारले सुरुमा खटाएका छानविन समितिका सदस्यहरुको गम्भीर लापरबाहिका कारण हत्यारा समात्न सकिएन', उनले भने, 'छानबिनमा लापरबाही गर्नेलाई कारबाही गरिएको छ । पछिल्लो छानबिन समितिले आफ्नो कामलार्इ तीव्र बनाएको छ।'
गृहमन्त्री थापाले हत्यारालाई छिटै पत्ता लगाइ कानुन बमोजिम कारवाही गर्न सरकार कटिबद्ध रहेको बताउँदै छानबिन समितिले पनि त्यही अनुसारको रिपोर्ट दिएको बताए ।
प्रतिक्रिया दिनुहोस !
