काठमाडौं : बलात्कार आरोपमा पक्राउ परेका पूर्वसभामुख कृष्णबहादुर महरा सोमबारसम्म हिरासतमै रहने भएका छन् ।
संसद् सचिवालयकी महिला कर्मचारीमाथि बलात्कार गरेको आरोपमा पक्राउ महराको मुद्दामा शुक्रबारदेखि चलिरहेको थुनछेक बहस आइतबार नसकिएपछि उनी हिरासतमै रहने भएका हुन् ।
काठमाडौं जिल्ला अदालतका न्यायाधीश सुदर्शनराज पाण्डेको इजलासमा आइतबार सरकारी वकिलको बहस सकिएको छ । उनका निजी कानुन व्यवसायीले सोमबार बहस गरेपछि मात्र अदालतले महराको मुद्दामा फैसला गर्नेछ ।
पुपक्षका लागि थुनामा पठाउने अथवा धरौटीमा तारिखमा राख्ने वा साधारणा तारेखमा राख्ने भन्ने विषय सोमबार टुंगो लाग्नेछ ।
प्रतिक्रिया दिनुहोस !
