काठमाडौंः नेकपा माओवादी केन्द्रले तत्कालको अवस्थामा एमसीसी संसदमा टेबल गर्न नहुने बताएको छ । माओवादी केन्द्रका प्रमुख सचेतक एमसीसीको बारेमा सर्वपक्षीय छलफल हुनुपर्ने बताए ।
उनले भने, ‘एमसीसीको बारेमा सर्वपक्षीय छलफल हुनुपर्छ । सहमति र समझदारी मार्फत् टुंगोमा पुग्नुपर्छ । संशोधन र परिमार्जनका लागि छलफल गरौं । जति संशोधन गर्न सकिन्छ प्रयास गरौं । सदन सूचारु नभएको अवस्थामा त अघि बढ्न सकिँदैन ।’
माओवादीले एमसीसी टेबल गर्न संसद सूचारु हुनुपर्ने शर्त अघि सारेको छ । गुरुङले भने, ‘लोकतन्त्रमा विधिको शासनलाई फलो गर्नुपर्छ । विधिको मान्यतालाई फलो गर्ने हो भने प्रतिपक्षले सदन अवरुद्ध गरेको अवस्थामा एजेण्डा अघि बढ्न सक्दैन । संविधान, कानुन, ऐनसम्मत एजेण्डालाई अघि बढाउन सक्नुपर्छ । संविधान र ऐन विपरीत अघि बढ्नुहुँदैन । दलहरुको सहमतिबाट मात्रै एमसीसी टेबल गर्नुपर्छ । विधि त फलो गर्नुपर्यो । एजेण्डाहरुमा राष्ट्रिय सहमति हुनुपर्छ । विधिको शासनलाई फलो गर्ने कि जसलाई जे मन लाग्यो त्यहीँ गर्ने ।’
प्रतिक्रिया दिनुहोस !
