राष्ट्र बैंकका गभर्नर हटाउनु लज्जास्पद, तत्काल निर्णय सच्याऊ : एमाले
चैत २७, २०७८ आइतबार १३:५२:०
काठमाडौं : नेकपा एमालेले राष्ट्र बैंकका गभर्नर महाप्रसाद अधिकारीलाई हटाउने निर्णय तत्काल सच्याउन सरकारलाई आग्रह गरेको छ । एमालेले गभर्नर अधिकारीलाई हटाउनु सरकारको लज्जास्पद र निन्दनीय कदम भन्दै टिप्पणी गरेको छ । आइतबार पत्रकार सम्मेलन गर्दै एमालेले गभर्नर अधिकारीलाई हटाउने निर्णय तत्काल सच्याउन सरकारलाई आग्रह गरेको हो । कार्यक्रममा बोल्दै एमाले उपाध्यक्ष विष्णु पौडेलले गभर्नर हटाउने निर्णय अबिलम्ब नसच्याए मुलुकको आर्थिक अवस्था थप धराशायी हुने बताए ।
उपाध्यक्ष पौडेलले भने, 'हामीले गभर्नर अधिकारीको व्यक्तिगत कुरा गरिरहेका छैनौं । यो व्यक्तिमाथिको मात्र हस्तक्षेप होइन । गभर्नर हटाउनु प्रणाली माथिको हस्तक्षेप हो ।' एमाले उपाध्यक्ष पौडेलले सरकारको गलत कदममाथि हस्तक्षेप गरेका कारण गभर्नर अधिकारीलाई हटाएको दावी गरे।
प्रतिक्रिया दिनुहोस !
