जनकपुर र जितपुर-सिमराको उम्मेदवार छान्न एमालेलाई सकस, ९ उपमहानगरका उम्मेदवारको सूची हेर्नुस्

काठमाडौं : नेकपा एमालेले ११ मध्ये ९ उपमहानगरको उम्मेदवार टुंगो लगाएको छ। पार्टी अध्यक्ष केपी शर्मा ओली निवासमा शनिबार भएको सचिवालय बैठकले जनकपुर र जितपुर-सिमराबाहेकको पालिकामा उम्मेदवार टुंगो लगाएको प्रचार प्रसार विभाग प्रमुख पृथ्बीसुब्बा गुरुङले जानकारी दिए।

उनका अनुसार धनगढी उपमहानगरको मेयरमा रणबहादुर चन्द र उपमेयरमा कन्द्रकला राना थारु, नेपालगञ्ज उमहानगरको मेयरमा पशुपति दयाल मिश्र र उपमेयरमा शन्तिदेवी ढकाल, तुलसीपुर उपमहानगरको मेयरमा टीकाराम खड्का र उपमेयरमा श्यानी चौधरी र घोराही उपमहानगरको मेयरमा नरुलाल चौधरी र उपमेयरमा हुमा कुमारी डीसीको नाम टुंगो लगाएको छ।

त्यस्तै बुटवल उपमहानगरको मेयरमा बाबुराम भट्टराई र उपमेयरमा सावित्रादेवी अर्याल, हेटौंडा उपमहानगरको मेयरमा अन्नत पौडेल र र उपमेयरमा सुमित्रा काफ्ले, धरान उपमहानगरको मेयरमा मञ्जु भण्डारी र उपमेयरमा पदम लिम्बु र इटहरी उपमहानगरको मेयरमा एमकुमार सुब्बा र उपमेयरमा संगीता चौधरीको नाम टुंगो लगाएको गुरुङले जानकारी दिए।

त्यस्तै कलैया उपमहानगरको मेयरमा विनोद साहको नाम टुंगो लागेको छ। उपमेयरमा भने बाँकी रहेको एमालेले जनाएको छ।