चितवन : नारायणगढ मुग्लिन सडकखण्डस्थित चितवनको इच्छाकामना गाउँपालिकामा मोटरसाइकल दुर्घटना हुँदा दुईजनाको मृत्यु भएको छ। इच्छाकामना गाउँपालिकामा वडा नम्बर ६ स्थित चेपाङडाँडामा रहेको तीन नम्बर पुलमा मोटरसाइकल ठोक्किँदा उनीहरू पुलबाट खसेका थिए।
बा ६२ प ३७०४ नम्बरको मोटरसाइकलमा सवार उनीहरूको आइतबार बिहान करिब ७ बजे भएको दुर्घटनामा घटनास्थलमै मृत्यु भएको जिल्ला ट्राफिक कार्यालय चितवनका प्रहरी निरीक्षक बेदप्रसाद गौतमले जानकारी दिए।
अन्दाजी २५/३० वर्षका ती युवा मोटरसाइकल अनियन्त्रित भएर ठोक्किएपछि पुलबाट खसेको गौतमले बताए। मोटरसाइकल भने पुलमै अड्किएको छ।
मृतकको शब भरतपुर अस्पतालको शवगृहमा राखिएको र पहिचान खुलिनसकेको प्रहरीले जनाएको छ। उनीहरू मुऊलिनबाट नारायणगढतर्फ जाँदै थिए। घटनास्थल मुगलिनबाट करिब ३ किलोमिटर नारायणगतर्फ पर्छ।
प्रतिक्रिया दिनुहोस !
