चितवन : पहिरोका कारण अवरुद्ध बनेको नारायणगढ मुग्लिन सडक एकतर्फी रुपमा सञ्चालनमा आएको छ । आइतबार रातिदेखि परेको अबिरल वर्षका कारण यस सडक खण्डका विभिन्न ठाउँमा पहिरो जाँदा सवारी आवागमनमा अवरोध भएको हो ।
इलाका प्रहरी कार्यालय मुग्लिनका अनुसार अहिले जलबिरे कालीखेला, तोपे खोला र चारकिलोमा पहिरो गएको र उक्त स्थानमा एकतर्फी बाटो सञ्चालन गरिएको छ । पहिरोका कारण सोमबार बिहान केहीबेर सडक अवरुद्ध भएको थियो । पहिरो पन्छाएपछि एकतर्फी रुपमा सडक सञ्चालन गरिएको प्रहरीले जनाएको छ ।
अहिले पनि वर्षा भइरहेकाले पहिरो पूर्णरुपमा हटाउन समस्या भइरहेको ईलाका प्रहरी कार्यालय मुग्लिन जानकारी दिएको छ।
प्रतिक्रिया दिनुहोस !
