काठमाडौँः सोमबारदेखि जारी बर्षाका कारण सुरु भएको बाढी, पहिरो र डुवानको खतरा अझै केही दिनसम्म जारी रहने जल तथा मौसम विभागले जनाएको छ ।
मौमम पूर्वाअनुमान विभागले ७२ घण्टा भित्रको मौसम पूर्वाअनुमानमा अनुसार देशका विभिन्न भागमा भारी बर्षा हुने पनि जनाएको छ । पूर्वाअनुमान विभागको ३० वर्षको मनसुनको तुलनात्मक अध्ययनले यो बर्ष औषत बर्षा हुने भविष्यवाणी गरेको छ । औसत बर्षा हुने भए पनि बाढी, पहिरो र डुवानको जोखिम उच्च रहेकाले सर्तक गर्न पनि भनेको छ ।
बाढी पूर्वाअनुमान शाखाले पूर्वमा झापा, मोरङ, सुनसरी, सप्तरी उदयपुर, सिरहा, धनुषा, मोहतरी, रौतहट नवलपरासी, कपिललबस्तु रुपन्देही, दाङ, बाँके र कैलाली लगायतका जिल्ला भएर बहने चुरेका साना नदीहरुमा एक्कासी बाढी आउने हुँदा सर्तक रहन सोमबार विहानै सूचना जारी गरेको थियो ।
बाढीको जोखिम
विभागका अनुसार कन्काई, कोसी, कमला, बागमती, नारायणी, राप्ती, बबई, कणााली र महाकाली सबै मुख्य नदीहरुमा बहाब बढ्दो क्रममा छ । पश्चिमा मोहना, बबई, राप्ती र आसपासका साना नदीजलधारमा भारी बर्षा भइरहेकाले सतर्क रहन आपपासका वासिन्दालाई आग्रह गरिएको छ ।
जोखिम घटेको छैन
बाढी पूर्वाअनुमान शाखाका प्रमुख राजेन्द्र शर्माले पश्चिम नेपाल र तराईसहित राप्ती बबई लगायतका तटयी क्षेत्रमा बाढीको उच्च जोखिम रहेको बताए । ‘भारी बर्षा विस्तारै अन्यत्र सर्दैछ । तटयीय क्षेत्रका बासिन्दालाई हामीले उच्च सर्तक रहन एसएमएस पनि पठाएका का छौं’, उनले भने ।
कहाँ धेरै पानी
मौसम पूर्वाअनुमान शाखाका मौसमविद बरुण पौड्यालले भैरहवा, नेपालगञ्ज सिमरा, दाङ लगायतका क्षेत्रमा भारी बर्षा भइरहेको बताए । औसत १०० मिलिमिटर पानी पर्नुलाई भारी बर्षा मानिन्छ । मौसमविद् पौड्यालका अनुसार ती क्षेत्रमा सोमवार दिनभर नै भारी बर्षाको अवस्था छ । साँझबाट भने मध्य र पूर्व क्षेत्रमा भारी बर्षा हुनेछ ।
जुन ८ देखि मनसुन
यो बर्ष जुन ८ मा नेपालमा मनसुन नेपाल प्रवेश गरेको थियो । सुरुमा मनसुन निष्क्रिय भएपनि अहिले देशभर एक्कासी सक्रिय भएको छ । पूर्वी वायुले पश्चिमी वायुलाई विस्थापित गर्न नसक्दा मनसुन निष्क्रिय भएको थियो ।
‘नेपालको क्षेत्रमा निम्न चापीय रेखा देखिएकाले भारी बर्षा हुने खालका बादल जम्मा भएको छ’, मौसमविद् पौड्यालले अन्नपूर्णसँग भने, ‘त्यसले पनि अझै तीन दिनसम्म लगातार बर्षा हुने र त्यसपछि भने मनसुन खुल्दै जाने छ ।’
प्रतिक्रिया दिनुहोस !
