बुटवल : बुटवल पाल्पा सडक खण्डअन्तर्गत सिद्धबाबा क्षेत्रमा मोटरसाइकल खसेको छ। लु २१ प ९६८० नम्बरको मोटरसाइकल माथिल्लो सिद्धबाबा नजिक सडकबाट खसेको पश्चिम क्षेत्रीय ट्राफिक प्रहरी कार्यालयले जनाएको छ।
खसेको मोटरसाइकल भीरमा अड्केको र त्यसमा सवार दुईजना खसेको अनुमान गरिएको छ। दुर्घटनामा परेकामध्ये एकजनाको उद्दार गरिएको र अर्काको खोजी कार्य जारी रहेको पश्चिम क्षेत्रीय ट्राफिक प्रहरी कार्यालयका प्रहरी उपरीक्षक गणेश चन्दले जानकारी दिए।
मोटर साइकलमा पाल्पा बाँसटारीका उमेश कुमाल र उनका छोरा माधब कुमाल सवार रहेको प्रहरीले जनाएको छ। प्रहरीले थप अनुसन्धानका लागि ना ३ ख १००८ नम्बरको ट्रक नियन्त्रणमा लिएको जानकारी दिएको छ।
प्रतिक्रिया दिनुहोस !
