काठमाडौं : म्यानमारका राष्ट्रपति विन मिन्ट काठमाडौँ उत्रिएका छन् । उनी सवार विशेष विमान दिउँसो २ बजेर ५२ मिनेटमा त्रिभुवन विमानस्थलमा अवतरण गरेको हो ।
उनी काठमाडौँ उत्रनु आधा घण्टा अघि नै महानगरीय ट्राफिक प्रहरी महाशाखाले गौशालादेखि, त्रिभुवन विमानस्थल, तीनकुने र नयाँ वानेश्वर हुँदै कलंकीसम्म सवारीलाई दुईतर्फी अवरुद्ध गरेको थियो ।
विमानस्थलबाट उत्रिए लगत्तै उनलाई सीधै कालिमाटीस्थित होटल सोल्टी लगिएको छ। त्यसक्रममा दुवैतर्फको सडक ठप्प पारिएको हो ।
विमस्टेकको चौथो सम्मेलनमा भाग लिन आउने उनी पहिलो विशेष पाहुना हुन । उनको स्वागतमा परराष्ट्र मन्त्रालयका पदाधिकारी विमानस्थल पुगेका थिए ।
प्रतिक्रिया दिनुहोस !
