मोटरसाइकल दुर्घटनामा शिक्षकको मृत्यु
बागलुङ : बागलुङ बजारमा मोटरसाइकल दुर्घटनामा परि एक शिक्षकको ज्यान गएको छ । काठेखोला गाउँपालिका—८ लेखानीका २५ वर्षीय कृष्ण कँडेलको गएराति बागलुङ नगरपालिका २ रुद्रेपिपलमा आँफैले चलाएको ग ६ प ७०३१ नम्बरको मोटरसाईकल घर छेउको पर्खालमा ठोक्किँदा ज्यान गएको थियो । मृतक कँडेल सदरमुकाम स्थित रुद्रेपिपल माध्यमिक बिद्यालयमा अध्यापनरत शिक्षक हुन् ।
राति करिव ११ः३० बजे दुर्घटनामा परेका कँडेलको धौलागिरी अञ्चल अस्पतालमा उपचारका क्रममा राति १२ बजे मृत्यु भएको हो । दुर्घटनाको कारणबारे अनुसन्धान भइरहेको जिल्ला प्रहरी कार्यालय बागलुङका प्रहरी प्रमुख दिपक रेग्मीले बताए ।