उत्तेजित प्रधानमन्त्री, गैरजिम्मेवार गृहमन्त्री : नेता केसी
असोज १४, २०७५ आइतबार १५:४२:०
बेनी : नेपाली कांग्रेसका नेता तथा पूर्वसहमहामन्त्री अर्जुननरसिङ केसीले कञ्चनपुरकी निर्मला पन्तको बलात्कारपछि भएको हत्याको विषयमा सरकारद्धारा गठित छानवीन समितिले तयार पारेको प्रतिवेदन सार्वजनीक गर्न माग गरेका छन् ।
नेपाल प्रेस युनियन म्याग्दीको सातौं साधारणसभा तथा पाँचौ अधिवेशन आईतबार बेनीमा उद्घाटन गर्दै नेता केसीले यस्तो बताएका हुन् । भाषणको क्रममा नेता केसीले देशको शान्ति सुरक्षाको अवस्था खस्कँदै गएको बताए ।
‘छानविन समितिको प्रतिवेदन सार्वजनीक नगरेर सरकारले वास्तविकता लुकाएर पिडकले उन्मुक्ति पाउने वातावरण बनाएको छ’ केसीले भने ‘प्रधानमन्त्रीको उत्तेजित र गृहमन्त्रीको गैरजिम्मेवार अभिव्यक्तिले शंका उब्जाएको छ ।’
जनतालाई कर र महँगीको भार थोपरेको भन्दै केसीले सरकारको कडा आलोचन गरे । अधिवेशनले राकेश शर्माको सभापतित्वमा प्रेस युनियन म्याग्दीको नयाँ कार्यसमिति चयन गरेको छ । सो अवसरमा बेनी अनलाईनका हरिकृष्ण गौतमलाई पाँच हजार रुपैयाँ राशीको प्रेस युनियन पत्रकारिता पुरस्कार प्रदान गरिएको थियो।
प्रतिक्रिया दिनुहोस !
